In nomine DominiINVOCATION Ealhburh hafaþ geset mid hyre freonda þeahtunga þæt man ælce gere agyfe þam hywum to scæ Agustine of þam lande æt Bradanburnan xl. ambura mealtes 7 eald hryðer 7 iiii weþeras . 7 xl 7 cc hlafes 7 ane wæge spices 7 cyses . 7 iiii foðro wudes 7 xx henfugla ; Swylc man se þæt land hebbe þas ðingc agyfe for Ealdredes saule 7 for Ealhburge ; 7 þa hiwan asingan ælce dæge æfter hyra ferse þæne sealm for hia Exaudiat te Dominus . Swæ hwylc man swa þis abrece si he asceadan fram Gode 7 fram eallum hallgum 7 fram þan halgan were on þysum life 7 on ecnesse . Þon' synt her æfter þara manna naman to gewitnesse þisse gesetednesse þæt is þonne Drihtnoþ abb' pr' 7 Osmund presbyter Æþelred pr' Wynhere diacon . Beahmund . Cenheard . Hyse . Adda [.] Cada . Bearnferþ . Bearnhelm . Ealdred . Ealhburh . Ealhwaru . Hoshere . Leofe . Wealdhelm . Dudde . Ofa . Ofe . Wighelm . Wullaf . Eadweald . Gif hit þon' swa ge gæþ swa ðe na ne wyscað þæt hwylc broc on becume þurh hæþen folc oþþe hwylce oðre earfoþnesse þæt hit man ne mæge þæs geres gelæstan agife on oþrum geare be tweofealdum . Gif þon' git ne mæge sylle on ðriddum geare be ðryfealdum . Gyf he þon' git ne mæge ne nelle ; agife land 7 bec þam hiwum to scæ Agustine.