In nomine Domini nostri Iesu Christi.INVOCATION Ego Dunwald minister dum aduiueret inclite memorie regis Æthelberti, nunc uero pecuniam illius pro anime eius salute ad limina apostolorum Rome cum aliis perferre desiderans, uillam unam post obitum meum, ni forsitan hoc prius me uiuente placeat peragendum, que iam ad Quenegatum urbis Dorouernis in foro posita est, quam nunc Hringuine tenet, quam idem mihi prefatus rex cum aliis terrulis iure proprio cum tributo illius possidendam et cuicumque uoluerim tradendam condonauit. Hanc uidelicet ad ecclesiam propepositam beati Petri et Pauli ubi scilicet corpus eiusdem domini mei regis Æthelberti requiescit pro anime illius et mea salute eterna donatione cum tributo illius possidendam attribuo. Et ut nulla esset inposterum de hac contentio hoc ipsum in libello prime donationis mee faciendum descripsi. Et ideo nunc cum consensu uenerabilis archiepiscopi nostri Bregowini hunc libellum huiusce donationis mee describi feci et manu propria roboraui et illum atque alios religiosos testes ut id ipsum faciant adhibeo. Actum anno incarnationis Christi .dcclxii.

+ Ego Bregwinus gratia Dei archiepiscopus signum sancte crucis subscripsi.
+ Ego Dunwald prefatam donacionem meam signum sancte crucis roboraui.
+ Ego Baltheardus dux subscripsi.
+ Ego Kyneardus presbyter consensi et subscripsi.
+ Ego Iambertus abbas testis subscripsi.

Hec terra circumcincta est hiis terminibus, a Quenegatum in meridiem extensas habens .iii. perticas et inde in occidentem rectissima linea diuidit terram regis et istam .xxiii. perticis usque in maceriam que in aquilonali parte ciuitatis muro adiacet uirgas habens .xxxiiii.BOUNDS