In nomine domini nostri Jhesu Christi .INVOCATION

Ego Ina regali a Domino fretus dignitate . cum consilio Sexburgæ regina et licentia Beortwaldi , Dorobernensis ecclesiæ pontificis et omnium suffraganeorum suorum , necnon hortatu Baldredi et Adelardi subregulorum ecclesiæ vetustæ quæ est in loco qui dicitur Glasteie . quam magnus sacerdos et summus pontifex suo et angelorum obsequio . sibi ac perpetuæ virgini Mariæ beato David multis et inauditis miraculis olim se sanctificasse innotuit . ex his quæ paterna hæreditate possideo . et in dominium peculiare teneo. locis continuis et congruentibus concedoDISPOSITIVE WORD ad supplementum vitæ regularis et ad usum monachorum . Beente . x . hidas . Seweie . x . hidas . Piltune . xx . hidas , Dulting . xx . hidas . Bleddanhid' . i . hidam . cum his omnibus quæ antecessores mei eidem ecclesiæ contulerunt . Chenewalchius qui Theodoro archiepiscopo interveniente Ferremere . Bregereie . Coneneie . Matineseie . Ederedeseie . Chentwinus . qui Glastingeie matrem sanctorum vocare solitus fuerat . et eam ab omni seculari et ecclesiastico obsequio immunem statuit . et hanc privilegii dignitatem concessit . ut habeant fratres ejusdem loci potestatem eligendi et constituendi sibi rectorem juxta regulam sancti Benedicti .? Hedde episcopus qui Chedwalla . annuente et propria manu licet paganus confirmante . Lantocai . Baldred . qui Pennard . vi . hidas . Adelard . qui Poelt . lx . hidas . me annuente et confirmante dederunt . Quorum ego devotioni et benignæ petitioni assentio . et contra malignantium hominum et oblatrantium canum insidias regalium munimine invigilo litterarum quatinus ecclesia domini nostri Jhesu Christi et perpetuæ virginis Mariæ . sicut in regno Britanniæ est prima . et fons et origo totius religionis ; ita et ipsa supereminentem privilegii optineat dignitatem . nec ulli omnino hominum ancillare obsequium in terris faciat . quæ super choros angelorum dominatur in cælo . Igitur summo pontifice Gregorio annuente . et ut matrem domini sui in sinum et protectionem Romanæ ecclesiæ . meque licet indignum cum ipsa suscipiente . consentientibus etiam omnibus Britanniæ regibus . archiepiscopis . episcopis . ducibus . atque abbatibus . statuo ego atque confirmo . quatinus omnes terræ et loca et possessiones beatæ Mariæ Glasteie sint quieta . et ab omnibus regiis exactionibus et operibus quæ indici solent . videlicet expeditione . et pontis arcisve constructione . et ab omnium archiepiscoporum et episcoporum promulgationibus et perturbationibus . sicut in antiquis ejusdem ecclesiæ cartis confirmatum esse invenitur . et a prædecessoribus meis . Chenewalchio . Chentwino . Chedwalla . Baltredo . astipulatum esse dinoscitur ; inconcussa et illibata permaneant . et quæcunque emerserint causæ . in homicidiis . sacrilegiis . veneficiis furtis . rapinis . in dispositione ecclesiarum et descriptione . in ordinatione clericorum . in conventiculis sinodalibus . et in omnibus judiciariis examinationibus . absque ullius hominis præjudicio . abbatis et conventus dispositione finiantur . sed et omnibus regni mei regibus . archiepiscopis . episcopis . ducibus . et principibus . super honorem suum et amorem meum præcipio . et omnibus tam meis quam eorum ministris super salutem corporis sui præcipio . ne ullus eorum insulam Domini nostri Jhesu Christi et perpetuæ virginis Mariæ Glasteie . nec ejusdem ecclesiæ possessiones causa placitandi . perscrutandi . rapiendi . vel aliquid faciendi quod ibidem Deo famulantibus possit esse in scandalum . audeat intrare . Illud sane omnipotentis Dei et perpetuæ virginis Mariæ et beatorum apostolorum Petri et Pauli . et omnium sanctorum interdictione prohibeo . ne in ipsa Glastingensi ecclesia . nec in ecclesiis sibi sibditis . videlicet , Soweie . Brente . Merlinch . Sapwic . Stret . Budecalech . Piltune . nec in eorum capellis . sed nec in insulis aliqua interveniente occasione . episcopus sibi episcopalem cathedram statuere . nec solempnes celebrare. nec altaria consecrare . nec ecclesias dedicare . nec ordines facere . nec aliquid omnino disponere præsumat ; nisi ab abbate vel a fratribus ejusdem loci invitatus fuerit . Quod si ad hoc vocatus venerit ; nichil de rebus ecclesiæ . sed nec de ipsis oblationibus ipse sibi aliquid usurpet . sciens duobus in locis ex ipsius ecclesiæ possessionibus duas sibi delegatas mansiones . unam in Piltuna . alteram in villa quæ Poelt dicitur . ut habeat ubi vel adveniens hospitetur . vel inde veniens sese recipiat . Neque enim eum ibi nisi importunitate temporis aut molestia corporis detentus fuerit . aut ab abbate vel fratribus rogatus fuerit . nec amplius quam cum tribus aut cum . iiii . clericis pernoctare licet . Hoc etiam prævideat idem episcopus . ut singulis annis cum clericis suis qui Fontineto sunt . ipsam matrem suam Glastoniensem ecclesiam videlicet feria secunda post Ascensionem Domini cum letania recognoscat . Quod si superbia inflatus eam distulerit . et quæ superius dicta et confirmata sunt prævaricaverit ; mansiones sibi superius delegatas amittat . Abbas vel monachi a quocumque voluerint qui Pascha canonicum celebret . ecclesiastica sacramenta in Glastingensi ecclesia . et in ecclesiis sibi subditis et in earum capellis percipiant . Quisquis autem huius munificentiæ meæ et liberalitatis testamentum quovis deinceps tempore aliqua occasione . cujuslibet etiam dignitatis . vel professionis . vel gradus pervertere vel in irritum deducere temptaverit ; sciat se cum Juda proditore æterna confusione edacibus ineffabilium tormentorum periturum flammis . Scripta est huius donationis pagina anno dominicæ incarnationis . dccmo xxmo vto . indictione . iiiita .DATING CLAUSE sub præsentia Ine regis et Beortwaldi Dorobernensis pontificis venerandorumque antistium Danielis et Fordredis et aliorum quorum nomina inferius annotantur .

+ Ego Ini rex propriæ manus subscriptione hanc donationem et libertatem sub sigillo sanctæ crucis ratam fieri decerno.
+ Ego Æthilburga regina consensi.
+ Ego Baldredus rex confirmavi.
+ Ego Æthilhard frater reginæ consensi.
+ Ego Beorhtwaldus Dorobernensis æcclesiæ archiepiscopus Ine regis donationem et libertatem sub sigillo sanctæ crucis coroboravi.
+ Ego Daniel plebis Dei inspector adquievi.
+ Ego Fordredus episcopus signum crucis impressi.
+ Uualdhere . præfectus . Bruta præfectus . Æthelheard . Umming præfectus . Uuincelin comes cum præsentia populationis consenserunt et firmaverunt.